قالو عرب في مستهل العناوين = خط الطريق وماتشابه تشابه
قلت اخبروني ياعرب ياوفيين = كم موتمر يعقد على كل خابه
كم واحد ٍ يوعد ببكره وبعدين = فالقدس مع حيفا يصفـّا حسابه
يرجي جموع العرب رجوا الملبين = مستضعفن راحت حياته طلابه
ومصاب ناس ايصيب ناس ٍ بعد حين = اليا رضوبه صابهم في مصابه
صلوا وصوموا واوفوا الد ّين للدين = العمر مااسهل عدلته في شبابه
والموت مايرحم كبار وصغيرين = ولا يهاب وكم قوي ّ ٍ سطابه
والعمر يابن ادم ترى العمر يومين = يوم ٍ زلال ويم ٍ مر ّ ٍ شرابه
وحنـّا على ملـّة دروب الشريفين = محمد الهادي وجمع الصحابه
ونجاهد انفسنا على العسر واللين = ونعرف وين المخطيه والاصابه
ويا طالب الدنيا تراها ميادين = لاتروح من غفلاتها في ضبابه
نصيحتي ببلاش من دون تثمين = والله عزيز ٍ مايوطـّا جنابه
ياهل الوجيه المسفره والسلاطين = وين الرجال اهل الوفا والمهابه
ياليت غز ّه تزدحم بالشجيعين = ونعيد عز ّة شايب ٍ في شبابه
تمشي لها جموع ٍ تهز المعادين = سطوة عرب من ذلـّهم صك بابه
جمع ٍ على الطاغي رجوم وبراكين = للخير بستان ٍ وللشر غابه
شراب هيم قلوبهم فالقسا الشين = يحسب له اللي بارع ٍ في حسابه
هذاك يوم الحق حظ الشهيدين = ياليتني من ضمنهم ياعتابه
والغزو عز ّ ٍ فيه رجح الموازين = وصـّا النبي ّ ومات فيه الصحابه
وصلو على فخر البشر والنبيين = تعداد ماهل المطر من سحابه