يا مل قلب صاير فيه وهاج = كنّه على نار يوقّد حطبها
على الذي ريحه عنبر فاج = في سوق حضران تصرّف جلبها
ورع غرير ولابس للهوى تاج = لي شاف غبات الملاعب ضربها
يمشي دلع مستانس دالهن ساج = جرد السنين الفايته ما حسبها
أدعج غنج ومنقشينه ابمكياج = والكهربا فوقه وطفّى لهبها
من زين زينه غرته تلعج إلعاج = ما تنعرف ذرعانها من ذهبها
مبسم وخد ولون وعيون وحجاج = ووصايف جزل العطا له وهبها
أردوفها نبهات والساق دراج = والراس ذيل اللي عريب نسبها
ما شفت مثله في جميع الملا داج = لا فالعجم يذكر ولا مع عربها
زملوق غار علّه السيل هداج = عوده رطيب وحسبته ما قطبها
عليه من سيل الهذاليل مدراج = دايم بحاره سايلات جنبها
عشيقها ما يرتجي منه الأفراج = يمكن يموت ومتته من سببها