لا حاجة إلى مقدمات ... هي رحلة لن تنتهي أبدا

تعبت أتصفح وجوه البشر واللي أضحكوا لي كثار=وفي عتمة دروبي المظلمة شفت الوفا كذبه


كثر ما كنت أتساقط بصحرا وقتهم أمطار=ذبل غصن الربيع وما لقى من إيدهم شربه


يا دنيا أشطبي أسمي ما دام إن القلوب أحجار=نزف طير الأمل فيني كثر ما يخذله سربه


أسافر والألم يضحك ويعزفني الغياب أوتار=وأشيل بشنطة سنيني جرااح ومقصدي غربه


ضياع يلفني وأكتم عذابي وداخلي منهار=حياتي للأسف صارت على كف الغدر لعبه


بكى صمتي.. نزف حرفي.. تعب صدري.. أنين ونار=وصحبي وينهم صحبي.. حسافة بس يا الصحبه