الحج خامس ركن والناس يدرون=فرضًاعلى المسلم وربي حسيبه
أول ليالي الحج بمْنى يباتون=الثامن امن الحج يوم ابتدي به
خمسة فروضٍ في منى هم يصلون=ومْعا شروق الشمس شدالحقيبه
عرْفات فيها الحج يمْها يسيرون=في زحمة الحجاج ماهي قريبه
الظهر ويّاالعصرصلوا ويدعون=ومْعا غروب الشمس وش تالمصيبه
دعسِ ورفسِ كِنّ ماجو يحجون=واحترت أنا بالحج من بعتني به
كلْهم على مزدلفه يبغو يروحون=والي اندعس والله ماحدٍ دِري به
في وسط مزدلفة خذ العلم مضمون=ومْعا الفلبّن معركتنا عجيبه
وأعطيته المقسوم من دون قانون=والحَجّة تستغفر على ماجري به
فرضين صلوها وراحوا يجمْعون=بعض الحصى للرمي ماهي صعيبه
في طلبت الرحمن يومِ يلبون=والكل يدعي ياعسى الله يجيبه
والصبح عا الجمرات والقصد يرمون=في زحمةٍ صارت ترآها مريبه
يرمون سبع من الحصى ثم يحلقون=ويشلواالإحرام ماحد مشيبه
من عقبها ركنٍ عليهم يطوفون=والسعي قد صارت علومه غريبه
بعد السعي من حيث ماجو يعودون=يوفون باقي الحج ماينتهي به
باقي لهم يومين بمْنى يباتون=يومين فيها الرمي لازم يفي به
في حجتي قد ذقت مرٍ وطاعون=واصبحت م الزحمات حالي تعيبه
في اليوم الآخر شفت ظبيَا بلا قرون=حتى بوصف الشعر ماينحكي به