يا الله في نو ليا قاد من المنشا عصير = يشرح الخاطر تسيباق سيله ومطره بارقه متلاحق يسلب القاع وشطير = والرعد في مقدمه له رجيف وزمجره ساق له وسيمة رفقة ماها غزير = ما وطاه اسقاه واحياه بره وابحره سبر ليله مستمر ويصبح له غثير = كاسي روس النوازي وفي الجو اسكره كل شعب وكل وادي سمعنا له هدير = ينسف اغثاه وزبد ماه بعروض اشجره الجزيرة فوق سبتين في جو مطير = ليلها ودان والصبح شمس واسفره بالروادي للبوادي خبر خير وبشير = الخبر مسئول الارصاد في الحال انشره قال: هذا الفصل له مدة ماله نضير = من حدود الشام الى من ورى يام ازهره الغريب اليا استمع للخبر قلبه يطير = خاطر المشتاق يشتاق ربعه واديره ديرة هلها تعز المسير والقصير = والدخيل تقوم بحماه وترد الشره ديرة في غربها البحر الاحمر له زفير = زاخر بالخير للناس بطنه واظهره ديرة في شرقها ساحل الخير الكثير = الله اللي للمصلين خشه وذخره ديرة فيها السواحل مزينها القدير = والمشاتي تشرح البال ما هيب اجحره ديرة فيها المصايف على الطور الكبير = شمخ نو المطر فوقها ماه انثره ديرة ارض فياح ومنطعف وغدير = مخصب بالنبت مشهاة صوف ووبره ديرة فيها المناعير والجمع الغفير = من خيار جنود الاسلام ما هم بكفره ديرة في الشرق الاوسط اذا صح اتعبير = وضعها في كوكب الارض تاج وجوهره ديرة دستور اهلها الكتاب المستنير = طبقوا شرعه ومن ينصر الهل انصره ديرة ال سعود خيالة اليوم العسير = من تحداهم لقى الويل والحظ اعثره ديرة ماها قراح ونسمتها عبير = من الخزاما والنفل يه لاهب اعطره ديرة في خيرها الجار تعتبره خشير = يوم جار السوء في غفلة الجار اغدره ديرة تثني على راعي المعروف خير = يوم جار السوء معروف الاجواد اكفره ديرة من لاذ فيها من الشر الشرير = زبنوه اخوان نوره وعدوه اخطره ديرة فيها الفهد في سياساته خبير = ومكه وطيبه وخدماتها نصب ابصره خادم البيتين ابو فيصل قايد مسير = من صدوق الوقت والشريا ربي جره وابو متعب للكرم والعطا بابه شقير = وكل كف طال شره على الناس اقصره بحر هول في شواطيه واعماقه غوير = فيه خير وشر ما ينقصه راس اشعره وابو خالد في المهمات يا نعم الوزير = للطواري طور الجيش وابليس ادحره يوم جا من يمة الشرق فزاع ونذير = الرهن طماع الاجواد في الحال اخسره ي ابلاد العز امير هو من يهواك امير = دون عزك نهدي الروح وانثج احمره جعل ابو تركي له بجنة الماوى مصير = استرد امجاده وصار للشعب اخيره والسعودي حيثما كان في خير وفير = والله يبقي نعمة العبد لا منه اشكره |
||||||
| vists | copyrights slogon | online crap |