ياعين دار) ابكي على طيب الكار=ابكي عليه ايـام وشهـور وسنيـن
عبدالله بن بعيث من روس الاخيار=شيخِ تسلسل من شيوخ وسلاطيـن
تبكيه هجنِ ماشيـه بيـن الاقفـار=ويبكيـه ديـوانِ وفـوده كريميـن
شيخِ خذاه الموت قصاف الاعمـار=يالله عسى قبره فيـاض وبساتيـن
تبكيه قحطان العريبـه والاحـرار=وخزنة ظفر تبكيه بالقلب والعيـن
عزالله انه راح شيـخِ عـن الـدار=شيخِ عزيزِ من شيـوخِ عزيزيـن
له مجلسِ يفرحبه الضيف والجـار=ويقـدر الاجـواد لهـم بعيـديـن
مااقول انا مافيـه مثلـه ولاصـار=لكن راسـه مـن خيـار الوفييـن
مامات عبـدالله وذكـره بالاقطـار=معروف عند الناس من قبل واللحين
يالله ياعالـم خفيـات الاســرار=يالله وانـا طالبـك رب الثقلـيـن
رب رحيـم العبـد للذنـب غفـار=انت الغني والخلق عندك مساكيـن
تغفر خطاه وجنبـه لاهـب النـار=آميـن ياربـي وآمـيـن آمـيـن
ويافهد ياللي صرت للطيب معبـار=ابوك ذكره حـي يابـن العريبيـن
مامات ابوك اليوم يانسل الاحـرار=مادام راسك حي يابـن الشريفيـن
والخاتمه صلوا على سيد الاخيـار=نبيـنـا الـلـي خـاتـمِ للنبـيـن