ياللي تحسب الطيب فن وشطاره=الطيب وهبه من كريم العطيـه
والكوكب اللي ثابتِ مستـداره=له هيبةِ بيـن الكواكـب قويـه
والحر دايـم يفتهـم بالاشـاره=واللي يذم الجود نفسـه رديـه
اجر وعوافي ياوزير التجـاره=فلاح بن ذروه رقيـت الثريـه
لاباس يالنوماس اجر وطهـاره=ياذخرنـا لـك عندنـا مقدريـه
يالعز يالتقديـر يـاراس قـاره=يالجود يالتشريف راع الحميـه
يالليث يالضرغام ياابن النمـاره=ياابو الوفاء ياللي اخصالك وفيه
حرِ تسلسل من مواكر حـراره=عسى الولي يحميك رب البريه
ياللي كسبت الطيب عند الاماره=ثقة أمير الـدار تشهـد عليـه
يامشيدِ بالطيب بـرج وعمـاره=انت الذي بالطيب ينفـع خويـه
حنا بني هاجر مع كـل غـاره=نارد حياض الموت مع كل هيه
دايم وحنـا كاسبيـن الصـداره=خزنة ظفر اهل القلوب النقيـه
من ساس قحطانِ وسجل عباره=من ضدنا لاشك شـاف المنيـه
اهل الشجاعه والوفاء والنـداره=واهل الكرم واهل الفعول الابيه
كلِ ترى يفخـر بربعـه وداره=من دون قاصر فالرجال الوفيه
وشعري فبن عمي يزين اختياره=رجلِ وله عند العرب مقدريـه
اجر وعوافي ياوزير التجـاره=انت الفخر للعـزوه الهاجريـه