مع اول ظهور سهيل والشاعـر البطـران=ينمـي هواجيـسـه ولا احــدِ ينميـهـا
على طاري الذكرى تحرك صدى الوجدان=ليـالِ لـنـا ياشـيـخ قـفـت لياليـهـا
اشوف العرب تضحك وانا خاطري عمسان=اجيـب السعـاده ميـر حظـي يوديـهـا
تجرعت بعض الحزن والهـم والحرمـان=وفعـال البشـر ماهـي اطابـق مباديهـا
طموحي تهـدم مثـل ماطاحـت الالمـان=علـى سابـق الهيبـه تلاشـت امانيـهـا
غدة ساحة الصدر المشقا مـن الاحـزان=عـلـومِ تكـدرهـا وعـلـم يـوديـهـا
ولولا حديث الشرع والصبـر والايمـان=مداني كرهت النفـس واصبـح معاديهـا
ادور من الاوطـان بيـت ولـه سيسـان=على الارض يانفسي وشوفـي ضواحيهـا
على ديرة اهل العز والخيـر والاحسـان=اسوق القدم والرجـل تاصـل حراويهـا
تحرك من الخفجي علـى وادي العجمـان=على مركز مليجه عسى الغيـث يسقيهـا
وانا جيت اخو(لجعه) كبيرِ مـن العربـان=ونفسـي ليـا جيتـه تحقـق مساعيـهـا
لواني ولـد راكـان مانـي ولـد راكـان=لكنـي نصيـت اللـي عهـوده يوفيـهـا
ياراكان بن خالد وجيتـك يابـن سحمـان=تخاويني الضيقـه واذا ضقـت اخاويهـا
ياشيخ الكـرم والعـز والمجـد يابليهـان=يارمز الشهامه والوفـاء وانـت راعيهـا
ياغيث المطـر يالبـرق يالراعـد الحنـان=يـاراس الطويلـه وانـت قمـة معاليهـا
يانجم السماء ياكاسب الشكـر والعرفـان=ياوجـه السعـاده يالسعـاده وطاريـهـا
ياشيخ المـروه والعروبـه لكـم عنـوان=ورجلك على الطـولات دايـم مضريهـا
ياروح الفخر والصـدق ياقايـد الفرسـان=ياملهم بيوت الشعر يـا اصـدق معانيهـا
ياراس الجبل ياطويـق ياهيبـة السلطـان=يـاذروة سنـام الجـود يابعـد هقاويهـا
ياسيـلِ تحـدر وانهمـر داخـل الوديـان=فعالـك بـدون قصـور محـدِ يجاريهـا
ياسيف الشدايـد رافعـك ربـي الرحمـن=عسـى الله يسويهـا قـبـل ماتسويـهـا
وحنا خوالـك نكـرم الجـار والضيفـان=خوالـك خـوالـك لالفتـلـك تحييـهـا
خوالك بني هاجر هل الطيـب ياكحيـلان=هل الخيـل والخسـران منهـو يعاديهـا
وخالك فهو(ماضي)مع العـز ذكـره بـان=فعوله مـع الاجـواد حـن نفتخـر فيهـا
أليا قلت يا(ماضي)طـرى سيـدي لقمـان=حكـيـمِ شـجـاعِ هامـتـه مايوطيـهـا
امطلق ماحبيسِ عقـب سطـوة السجـان=امعتـق رقــابِ بـعـد مالله يحييـهـا
وبيت الشعـر ماهـو بيـتِ بـلا عمـدان=ولا احـدِ يميـت النفـس ياغيـر واليهـا
اهز الجريـد ولاتساقـط مـن الاغصـان=سـوى حبـةِ طاحـت وعينـي تراعيهـا