رد على الشاعر/ عامر بن نوطان:
غدى القلب مني مثل طير كفخ ثم راج = قريت الرسالة وادهشتني بمعناها
ويا بوحمد خطك عذاب علي وإحراج = سنين مضت ما عاد ودي بطرياها
ويا ما سهرنا لين نور السفر ينباج = وتبينا نعود في عناها وبلواها
سوالف رموز وبالإشارات كسر حجاج = زمان الشباب وتالي الوقت سواها
وترى كل شي له نهاية وله مخراج = وليالي الشباب تكلف النفس ذكراها
ومن طاع نفسه كثر الهم والسوهاج = وكثير النفوس حسابها من قضاياها
وهذا الصحيح وعارفينه ولا يحتاج = سنين مضت ما عاد حنا بوياها
تذكر علينا ما مضى لك وقلبي ساج = وكما قال الأول راحة النفس لرضاها
تراي انتهيت وقاري سورة المعراج = وعسى الله يجير نفوسنا من خطاياها