ياهبـايـب ذعـذعـي صـوبـي .. وغـنـي ياحمـامـه=( القريـحـه ) فايـضـه .. مافـيـه شـــي ٍ مـاطـرالـي
كـل حـر ٍ فـوق حـر .. وكـل هامـه فــوق هامـهـ=لا عـلـى هــذي خــلاف ! ولا عـلـى هــذي جـدالـي
مالتـفـت الا !! لـرجـال ٍ مقـامـي مـــن مقامه=واتـجـاهـل كـلـمـة ( الـجـاهـل ) .. ولا الـقـيـه بـالــي
لا انشدوا : من أنت منه ؟ .. قلت : من ربـع الزعامـه=(( صالحـي )) وجـدي (( سعـود بـن مهـدي )) ذرب الخصالـي
نركـب ( حصـان الفخـر ) والعـز مانرخـي لجامه=ـولا انشدونـي : مـن خوالـك ؟؟ .. قـلـت : يالـبـى خـوااالـي
قلـت : جـدي ,, راعـي الملحـا ,, مطٌـوع كـل قامه=وقلـت : خالـي مسـنـدي .. يااااااااجعلـنـي فــدوه لخـالـي
مـن صوالـح .. فعلهـم وقـت اللقـا .. ثايـر عسامه=هـم حزامـي .. وعزوتـي .. ودمـي .. وربحـي .. وراس مالـي
لابتـي يـا ( راس نسـل عجيـم ) يـازحـول القرامه=لابـتـي يــا ( مـقـدم آل معـيـض ) فــي ســود الليـالـي
يكـفـي أأنــا لاذكـرنـا * بالجـمـل * قـالـوا : سنامه=والـزمـن يشـهـد ؟؟ ولايجـحـد كريـمـيـن السـبـالـي
ماخذينـا العـز مـن ( رفـع المناخـر ) و ( الفخامـه )=ماخذينـه ( بالسيـوف ) اللـي عـلـى ( رقــاب الرجـالـي )
ياضـنـا مــرزوق .. كــم رايــه تـهـاوت فــي تهامه=ياسلاطـيـن الـديــار ... وياشيـاطـيـن المـعـالـي
ايــه والعجـمـان بالتـاريـخ كــم حـطـوا عـلامـه =؟طــروا بـطـون المـلـوك .. وطمـنـوا راس المـوالـي
ياسـلايـل يــام .. ياسـيـل ٍ يـطــم اكـبــر عدامه=يـاشـيـوخ ٍ .. شايـخـيـن .. مشيـخـيـن أول وتـالــي
من حمـى ؟ ( بيـض الحبـاري ) جـاه مـن يجلـي ظلامه=ومـن غـدر فـي كلمتـه ؟ ... عيُـن بهـا ضـو ٍ تصالـي
والعـرب كـل ٍ خـذا حقـه .. ولـه صيـت وشهامه=وكلنـا مــن (( آدم وحــوى )) .. والـجـواب ! أم السـؤالـي ؟
أتنومـس وأفتخـر فـي ذكـر جـدي .. ياهلامهـ=ولا أنـت .. كفـو ٍ يـا ( قلـيـل الرابـعـه )) .. تـشـرب دلالــي
الله أكبـر !! يازمـان ٍ .. صـار & مطمـع & للنعامه=راسهـا تـحـت الـرمـل .. والـيـوم ؟؟ .. تطـمـع بالعـلالـي
كنت أقول : المحتـرم ؟ .. يفـرض علـى النـاس احترامه=وصـرت أشـوف : أن الدراهـم ؟ .. حشمـة الرجـل المثالـي
مـؤمـن بالله رب الخـلـق .. لــي يــوم القيامه=ـاطـلـب الله الـهــدى .. وأقـضــي بطـاعـتـه انشـغـالـي
الصـلاه الــزم فــروض المـؤمـن .. و ( راس اهتمـامـه )=كنـهـا عـجـوز تـدعـي : ياعـوالـي ياعـوالـي !!
النظر ؟ ضيٌـع بصيـرة شـوف .. ( زرقـاء اليمامـه )=والعفـو ؟؟ كـان السبـب ؟ فـي مـوت ( ابـو زيـد الهلالـي )
والرفيق ؟ اللي لسانه .. مايثمٌن فـي كلامـه ؟=أن : حكـى ! يـا ( وسـع صـدري ) وأن : سكـت ! يـا ( طـول بالـي )
لاتلوم اللي أنغبن ؟؟ .. من (( طعنة ٍ جت بالكرامه ))=وأعرف أن .. جرح الكريم ؟ / أن جا من .. أردى الناس ؟ ((( غالي )))
لاقسى فيني الزمان ؟ .. وضـاق صـدري مـن عظامـه !=افـزع ( بضيقـة جنوبـي ) ,, وأصبـر ( بصـدر ٍ شمالـي )
علمتنـي دنيتـي ( حكـمـه ) .. غــدت بالـخـد شامـه=ـودك الـرجـال !! .. فــي بـعـض المـواقـف مايبـالـي
المعـزه / بالـعـزاوي .. والأشــاره / بالفهامه=وعلـتـي ؟ مــن قــرد حـظـي ! .. ومشتريـهـا مــن حـلالـي
يالهنـوف .. أم ( المـزاج الصعـب ) ويـن ؟؟ القـى السلامه=لاشفيـتـي جــرح قلـبـي ؟ .. ولاتركتيـنـي لحـالـي
انا قومي !! أن ( قلبـي أن حـب ) ؟ .. يسـرف فـي هيامه=وأنتـي قومـش يـوم مالـش فـي ( قصـور الحـب ) والـي
جعـل منهـو .. لا تلثـم لـي .. عرفتـه مـن لثـامـه !!=يبـطـي وعـمـره طـويـل .. وأبـطـي وزولــه قبـالـي
مـا علـي امـن ( المـلام ) ولا عليـه امـن ( الملامـه )=لانـي بلاقـي ( مثيـلـه ) ,, ولا هــو مــدُور ( بـدالـي )
ماذبحني غير ( دمعـه ) ! .. جـات مـن عقـب ( ابتسامـه )=ولاقهرنـي غيـر شـي ٍ شفـت !! .. عمـره ماطرالـي ؟
يـا هبايـب ذعذعـي صوبـي ,, وغـنـي يــا حمامه=الـنـدم مـافـاد مخـطـي ؟ ,,, والبـكـى مــارد غـالـي ؟