لوغابت الشمس بنظر. مغليك شمسك ماتغيب=يبقى ضيـاك امنـور الدنيـا ولـو... طـال الغيـاب
ياللي خفوقي في بعادك غادي ٍ كنه عطيب=ارحـم رحمـك اللـي بيديـه المغفـره يـوم الحسـاب
بعيونك اسرح بالغموض اللي به الموقف .. رهيب=( رحلت ذهاب) بنظرتك وبغيبتك ( رحلة اياب)
دايم انادي ! بصرختي واقول : انا ؛ هل ؟ من مجيب=واسمع صداي يقول: امرك يا منادي مستجاب
بعيد عن عيني ولكنك .. على قلبي قريب=حلمي حقيقـه والمصيبـه !! شوفتـك صـارت سـراب
اذا تركتك ( منتحر) واذا تمنيتـك ( صويـب)=واذا تناسيتـك ( كـدر) واذا تحديتـك ( عـذاب )
الله عطاك بدنيتك ياملهمـي اوفـى... حبيبـ=والله عطانـي بدنيتـي .. هـم وتعاسـه واكتئـاب
ياوش : رمابي في دروبك والهوى طبعه .. عجيب=لاجيت ابفتح باب في دربي .. يفقل الـف بـاب
شقا,, ود بلة كبد,, وآهات ,, وجروح ,, وقطع صيب=عايش ولاني عايش ٍ مابين ناب وبيـن نـاب
هـم يودينـي هنـا و هنـاك و هنيـا يجيب=ولاجابنـي هنيـا هنـا و هنـاك ودانـي وجــاب
الظن مهما خاب من حلم الامانـي مايخيب=والدمـع مايجـدي ابـد .. لا صـار ! ماينفـع عتـاب
ماتدري ان الدار تشكي من توٌجاد الغريبـ=وان الغريـب ينـوح يشكـي مـن .. معانـاة الغيـاب
تجمل بوصلك .. ترى الخفاق من جورك عطيب=وثلج المحبه من لهيـب الصـد يالمدعـوج .. ذاب
سيطرت واستيسرت بعيونك وبالثغر الذويب=بالعين ( سـر السيطـره ) والثغـر( رمزالانسكـاب )
يابو اشفاه ٍ كنها .. متوهجـه مثـل اللهيب=ويـلاه مـن جمـر الشفايـف تفقـد العقـل الصـواب
لاهي خمر ولا عسـل ولا بتـوت ولا حليب=خلقـه الاهيـه بديعـه .. ذقـت انـا منهـا شـراب
جدايلـك يالاشقرانـي .. تجعـل المنظـر مريب=جدايـل ٍ منهـا سـواد الليـل ونجومـه تهـاب
صوتك يغذ يني فديتك ,, غن لي يالعندليب=ارقص وغن وجر صوتـك .. ود نـي فـوق السحـاب
ماني بحبك واعشقك .. يالترف يالغرو اللبيب=منساب فيك ومهتـوي / لأقصـى حـدود الانسيـاب
لو كان لجروح الهوى .. دكتور يعالج او طبيب=ما كان نسمع عن حكاية كـل عاشـق فـي كتـاب
وان افترقنا جعل جرح ٍ من فراقك مايطيب=وش عاد يبقـى ذكريـات ان رحـت يـاذرب الجنـاب
ابسال المولى عسى ( في يوم ) @ يجمعنا النصيب=وانت انتظرني او تعال لصوبي وسوق الركـاب
الى متى ؟ هذا السؤال ؟؟ .. الوقت عيا لا يجيب=الى متى ؟؟؟ اسأل واعيش العمر لاجل اسمع جواب
هل ؟ القدر ! يصبح لنا الحاجز ويسقينا النحيب؟=او الامل ! يصبح لنـا نـور ٍ ولا يبقـى ضبـاب
الشمس لو غابت فلا يمكن .. ابد شمسك تغيب=انت الضيا وانت القدر حتـى لـو ان النـور غـاب