ياللي خذيتيني بغض الطـرف .. فـي ليـل النـوا
ياسيـدة قلـب ٍ مـن الحرمـان والغربـه سقـيـم
ياموجعـه منـك ضمـا شفـي .. ولاحـولـه روا
والقلب عقبك مايبلـه .. غيـر ! زمـزم والحطيـم
يكفي .. هجر ,, يامـا تحملـت وخفوقـي ماقـوا
وش ؟ ذنبي بدنياي .. ليه ؟ آآموت في واقـع اليـم
تايه لحالـي فـي دروب الحـزن واوهـام الغـوا
وحيـد مالـي غيـر ربـي .. لارفيـق ولانديـم
صغير سن وشاب راسـي .. والشقـا ذيبـه عـوا
الشوف ! ماعاده قوي / والعقـل ! ماعـاده سليـم
الحلم مات .. وما تحقق .. ضـاع منـي وانطـوا
صار الزمن للحلم قبر وصـار فـي قبـره رميـم
اجمـع جزيئـات المحبـه وانشطـارات الـهـوا
من اجل ! توضيح ؟ الفوارق . والتسـاوي يستقيـم
واحلل افكـاري .. ( بدقـه ) ,, واعـرف الـداوا
لدواواستغفر الله واتعٌـوذ والعـن ابليـس الرجيـم
لك عاشق ٍ لا جا بيرقالـك .. عثـر فيـك وهـوا
ياطيـف عابـر ياجنـان الـروح ياخلـد النعيـم
العمر رايح ,, والبقا . للي علـى العـرش استـوا
والحمد واجـب . والعطايـا تنذكـر . والله كريـم
مالـي عـزا للقلـب .. لامنـا تفارقنـا .. سـوا
ذكرى المكان اللي التقينا فيـه .. والجـرح القديـم
الكلمه .. اللي جات منـك خاطـري منهـا اكتـوا
ان اشهد انها ( وقعٌت ) بالقلب .. جتنـي بالصميـم
لاتحسبين البعد يذبـح بـس ؟ .. لا ! مالـك لـوا
الا هلاك ونـار عرضٌنـي علـى ريـاح الجحيـم
اشد من حزن الضرير اللـي طريقـه .. ماضـوا
واحد من صوت الا لم لا اجتاح في .. ضحكة يتيـم
ضميني بصدر ٍ علـى الآهـات .. بلسـم لا التـوا
واليـا انتهيتـي ردي وضمينـي بظـل وسـديـم
قولي : خبـل او شكلـي مسيكيـن .. ولا مارتـوا
( يخوونني التفكير ) لحظه .. ولا انا ماني غشيـم
ياويـل حالـي .. لاتلديـن النظـر كانـه حــوا
بالعنجهيه والعيـون السـود صـارت لـي غريـم
لاسلهمت لي صرت : غادي مادرا وش: هو؟ .. نوا
في جاذبيتهـا خـراب بيـوت مـع ليـل ٍ عتيـم
فديت تخديرك بعكش النعـس .. واسلـوب الهـوا
بنجك يـرد الـروح (( يالمنوه))بقطـرات ونسيـم
ليت القدر ياغلى واعـز النـاس .. يجمعنـا سـوا
ولا يفرقنـا ياكـود ( المـوت ) ونعيـش ونهيـم