اه من صدمة فراقك ياعبيد=صدمة اللي ماعرف ؟ معنى الـوداع !
فاجعه .. جرت على صدري نشيد=يوم قالوا : مات .. والدنيا متاع
ليت عند الموت قلب وله نهيد=كـان ماياخـذك يالـذرب الشجـاع
مابقا للمرجله بنك ورصيد=من عقب خسارتك ,, كل شـي ضـاع
آجعتني غيبتك يا اغلى فقيد=غيبتـك ؟ ماهـي بقـدر المستطـاع
لو دمـوع العيـن للميـت تفيد=مالقيـت النـاس تبكـي بالـوداع
كنت بين الخلق محبوب وفريد=وكان صيتك شامخ ٍ مثـل الشـراع
كان قربك عيد .. ومشاهدك عيد=وكنت غير ؟ وكنت محمود الطباع
كانت الدنيا معك .. اطٌول بعيد=وصارت بفرقاك اقصر مـن ذراع
ياعسى الفردوس منزلك الجديد=وتشفع لناسك .. بيـوم الاجتمـاع
جعل ربي يرحمك يا اغلى فقيد=والله ان عروقنا عقبـك .. جيـاع
يكفي انك مت صايم ياعبيد=ويكفي ان الطيب فـي ذكـرك يشـاع