هذه القصيدة موجهه من الشاعر سعدون بن فهد الهرس
للشاعرفراج بن وسيود الكرشمي

ودي اخذ راي فراج فـي وضـع ٍ خطيـر=قبل صـرح معمـره لا تجيـه مـد مـره
جاينامـن يـم سلمـى يابونايـف نذيـر=شمسها عقب شرقـت للغـروب محمـره
ويش رايك يابيض الوجه يوم انك بصيـر=كل معنـا ً فيـه تمعـن لابـد تـذ مـره
واحد ٍ يبغا الامـاره وهوماهـوب اميـر=كيف نتجازالحقايق وكيـف نومـره
فاهقـه ماضيـه عـن مابغـاوالله خبيـر=يـوم ابـه نـار ٍ رمـاده ونارمجـمـره
جـده اللـي يعتزيبـه يغيرمـع المغيـر=نـول مايقدرينـولـه ونــول يغـمـره
يوم دور الشلف و الرمح و السيف الشطير=والعـوادي و النجايـب و كـل مشمـره
ماقـدى نمـراً علـى راي قايدهاتسـيـر=لاوطت مبهـل نفلهـا غطـا راس امّـره
ودنالـه بالمنـافـع وخـيـرالله كثـيـر=ميرمانقدرلبعـض الصـفـوف نطـمـره
قدبذلـنـا الطيـبـه فالكبيروفالصغـيـر=ويـش ماجـوب التذمرمـن المتـذمـره
والاماره منصـب ٍ فيـه شروفيـه خيـر=ضافي ٍ شـرّه وخيـره علـى المتومـره
لـلا مـاره كـار والكارتقريرالمصـيـر=والوجل بعض العـرب فاالصدورتضمـره
ماتليـق لـواحـد ٍمايقـرابـه القـريـر=لوعليـه يصوغهاصـوغ عنـه متمـره
ماتليـق الا لـمـن يستشارويستشـيـر=صفحته بيضـا ً جليـه ماهيـب مسمـره
والـردي لاقابلـك بالـردى مايستـديـر=ليـن بالمسماربيـن العيـون تسـمـره
تكبرالقاله وتصغر يصيـر اللـي يصيـر=الله اكبرياعـقـول ٍ عـلـى المتـزمـره


وهذا رد الشاعر فراج بن وسيود الكرشمي على قصيدة الشاعر سعدون بن فهد الهرس



يابني عمـي عتيبـه وجيرانـي مطيـر=ياقبايل حرب يامن بجـاء مـن شمـره
ياهل المعروف باطراف نجد وفي عسيـر=يارجـالٍ تسـس البيـت قبـل تعمـره
انصفوني مـن رفيـقٍ يثيـر ويستثيـر=القريحـه والقريحـه ماهيـب مثـمـره
الاديـب الناقـد الباحـث الفـذ القديـر=فالجهاد آمر سريه واصـاب مـن امـره
امتلى صدره وجاله من الضيقـه زفيـر=ينفخ المزمار وازره علـى مـن زمـره
جابنا مع طلعة طويق بالقـاف العسيـر=وانحـرف والموتـر ادبـلّـه وانـمـره
جعلي أطلع واتخارج ولااصيـر الاخيـر=حسبي الله كيف صلط على قـاف أمـره
لابسٍ لي ثوب لاهـو طويـل ولاقصيـر=ميـر وده ياجماعـه عـلـي يشـمـره
الهجوس تجول وتصول في وسط الضمير=جول صفـراً للنهـار الكبيـر مضمـره
تاخذ مع الجال مركاض وتخض الغديـر=العقاب يحـوم ويطيـر فـرخ الحمـره
يشرب الشاوي ويرده على الحول البعير=ويذكره من جاه مـن رجـل والا ممـره
من سرى يالهرس يسري ونور الله منير=ومن غدى قلنـا ماكـل الليـال مقمـره
المقـدي يبـذل الجهـد لكـن الضريـر=ينكر اللي حججـه كـل عـام وعمـره
والزعامه حسب عرفي لمن جر الجريـر=يلبـس الجوخـه وفعلـه بيـده ينمـره
والرجال فعول واللي ظهرله فعـل غيـر=لوفنـى تبقـى فعـولـه وراه معـمـره
إنتهى مردود شاعر على شاعـر كبيـر=ماقدر من فرط الاعجـاب فيـه يخمـره