حسبت ان الطريق اللي بعدني عنك يدنيني=وحسبت ان القلوب اللي هوت بالحب خفاقه
وحسبت ان الزمن يعطي ولكن كيف يعطيني=وحسبت ان الصبر يبقى وانا ادري للصبر طاقه
تجاهلت الحياة لجلك .. ولجل انك تحبيني=وتعلمت السهر بـــدري واعـــد نجوم براقه
طويت ايامي الصلفة ونسيت هموم تطريني=وتحمل قلبي جروحه وحبك تجرح اشواقه
تتمنيت الغــــلا ساعه وساعه مـــدة سنيني=وتمنيت الهوا لحظة وتذوب بلحظة عناقه
تمنيت الحنان اللي يثور وتذرفه عيني=يرييح خافقي فيني وتنام عيون مشتاقه
صبرت ولا لقيت الا الاماني بينك وبيني=وبقايا احلام منثورة تسطر باقي اوراقه
تعبني هاجس الذكرى واظن انك نسيتيني=عساها تكذب ظنوني ونار الظن حراقه
حبيبي كم بكت عيني على جرحي تواسيني=مالوم العـيــن يا قلبي وحبك يذبح فراقه
يهون البعـد لو طول مدام انك تحبيني=ويهون الجرح يا حبي ويهون الليل وارهاقه