القافله

لبيك ياللي خطوتك تغزل مسافات العبير
بالمسك والكبر المزخرف والسطور الحافله

لبيك لا وريتني وش عقبة الموت الاخير
في ليلة تمحي خطاها ركعتين النافله

لانك تعرف اني لا ستبشرت استبشر بخير
لكنك تجهل يتم وقتك واليدين الكافله

تصدق ان الوقت هذا غير وان الناس غير
وتصدق ان ماعاد باقي شي حتى تخاف له

شوف الأسد يمشي على راي المهاة ولا يشير
والمشكله لاهو بمستغرب ولاهي جافله

وتصدق ان اغلب رعاة الحرف خوانة ضمير
شفت الأدب هذا يبيعونه لنظره سافله

وتصدق ان حمل البعير تبرزقه دودة حرير
وتصدق ان الوقت ذا غافل وناسه غافله

ومن اوله تنبح كلاب وقافلة الاحمل تسير
واليوم لا تنبح كلاب ولا تسير قافله