انا مومنن بالله تعالا رفيع الشان=الاهي جليل الملك وامنت بكتابه
هو الواحد الفرد الصمد عالمن ماكان=وماقدر المعبود لابد نرضابه
انا طالبه يغفر لشيخن من العجمان=عسى الله يبيح الشيخ ويبيح من جابه
لو الموت قومن جمعهم يرهب الشجعان=فلا والله يقفي بشيخن يمارابه
انحزم القنازع دون ابو نايف اكحيلان=وناقف لجند الموت ما نحسب احسابه
علي الحرام ان نردع الموت بالفرسان=على شان شيخن نفتخر ونتعزوابه
عريب المجاني في الشدايد وسيع ابطان=والى كبرت القالات تفخر به الابه
فلاح المسما للوفا والكرم عن=وانفقيدة قبايل يام شيخن ويدرابه
ابو موقفن معروف لاهابو الشيخان=ايورد على الكايد اكحيلان ماهابه
إلى قال اخو لجعه عدل كفة الميزان=ايفك الرقاب الخضر لاصارت اطلابه
اعزي قبايل يام منا الى نجران=على فقد شيخن كل ربعه تذرابه
ومدامه ارثله اقرومن اطوال ايمان=فلا غاب ذكر الذيب يوم ارث اذيابه
ويبقا لنا نايف ذخر مكرم الضيفان=مع اخوانه الي لنواميس كسابه
وانا لو بدعت من الطواريق والقيفان=ومدحت الفقيد ابما فعل ما وفينا ابه
لكن مومنين بسنتن سنها الرحمان=عسى جنة الفردوس ماواه واحجابه