حاسب قبل ما تعلنه لي تحديك=وفكر قبل يكثر علينا ملامـك
اركد تركد واصبر العلم ياتيك=علمٍ يبي يحرمك لذة منامك
انارجل ماتخدعه في مساعيك= عالي مقامي وانت واطي مقامك
والله لو القاك فالسوق ماشريك=ولا ينذكر بريال مسعاد سامك
يكتبك حرفي فالورق ثم يمحيك=ويالعنبوه ان كان في يوم رامك
لاتحسبني فالهوا ميتن فيك=ياهيه اناعايف حلال وحرامك
لاذي ولا هاذي ولا ذاك مع ذيك=خلفك دهر والموت عانه امامك
لا تحسبنه قافي هناك يعنيك = ولا تحسبني ميتا في غرامـك
ولاتعتقد في يوم فرقاك بابكيك=واصيح باعلى الصوت قايل علامك
اقل من عادي اذا مر طاريك=وحالف مارده لو يجيني سلامك
نفس الطريق اللي يجيبك يوديك= روح معه واحذر تكثر كلامك
عساه حظك في دروبك يقديك=وتنوْر دروباً طال فيها هيامك