حـزين مثـلي وأنا مثـلك حـزين وغـريب=لاياعـسى شمـس من مثـلك ماهـي غاربـه
الـدرب واحـد وأحـس انك بعـيد وقـريب=بعـيد قـلبك لو الخـطـوات متـقاربـه
ما قـلت لـي شي لكـن كان صمتـك رهيـب=وكان بعـيونك كـلام أقـراه وأحتـاربه
لوقـلت لي والله ليعثرردي النفس طيـب=تركت لك هاالجـمل حبـله عـلى غـاربه
ياذيـب يا بارز الـنابـــين يا ذيــب=الطيـر حـول عـلى صيـدك وثـم طاربـه
ماهـوب ذنـب الليالي والـزمن ياعريـب=هـذا زمـان بـه المستـعربـه عـاربـه
هـذا زمـان به الهـقـوات دايـم تخيـب=وشـلون لاصـارت الـهقـوات متـضـاربـه
من لانفعـته وهـو عنـدك كـريم وحـبيـب=كـرهك إذا دارت الدنيا ماهـو ضـاربه
شيـقول مثـلي ليا ضاق الـكلام الرحيـب=فـي لحيـته لاسـكت وإن قال فـي شاربه