للحين للحين مازلتي على بالي = ماادري انا ليه اروح اروح وارجعلك

احترت ياغاليه باحساسك الغالي = مابين كثر الجروح وقلب يشفعلك

مادري وش الحل لا راضي ولاسالي = الى متى لاهيه والشوق خاضعلك

ذكرى لياليك تحيي ميت آمالي = واحس بك واتغنى فيك واسمع لك

ماقول قلبي على الأحباب متعالي = المسأله كل مافيني تواضع لك

لا تسأليني وأنا احبك عن أحوالي = الروح تنبض غلا والعين تدمع لك

شفتك بقلبي وشفت افراحي اقبالي = وقلتي لي انك بخير وقلت ياجعلك

اشكي وتشكين من بعدي وترحالي = قلتي على مين طالع قلت طالعلك

ياسالفة عشق اسولفها وانا لحالي = يرضيك لو قلت هذا الحزن من فعلك

ياحبي الأول وياحبي التالي = عرفت انا ليه انا اروح اروح وارجعلك