يا عين صدي ولا عليه الحسوفه
صدي ترى يا عين منه انتهينـــــا

من عافنا يا عين لازم نعوفه
ما نتبعه يا عين لازم نهينـــــــــا

يكذب عليه ولا صدق في حلوفه
خان العهد تكفين منه اكتفينــــا

ليت عقب ما راح واقفت طيوفه
ليته تذكر قلبي اللي بديـنـــــا

كنت احسبه عني تلده ظروفه
واثره نسى سالم ولهفت حنينا

الله واكبر يا زمان (ن) نشوفه
عقب المحبه شاف نفسه علينا

من عقبها عزمت والله لطوفه
وابعد بعيد سعيد وانسى سنينا


ما هو كفو مافيه ذرة عطوفه
قلبه سواد الصاج الله يعينــا

بكره عليه الوقت يسحب سيوفه
وبذوق ما ذقته ومنه ارتويـنــــــــا

يا عين صدي ولا عليه الحسوفه
صدي ترى يا عين منه انتهينـــــا

تقبلو مروري
اخوكم
سالم مبارك الفجحان
salem_alfag7an @hotmail.com