لو لاني أبـدي نايفـات المشاريـف=وأعذل على عيـن ٍ سببهـا زعلهـا
لأصيح صيحة من وخذ له مشاعيـف=سحج البكـار اللـي تلاحـظ فحلهـا
قفوا عليهـا فـوق قـب ٍ مزاغيـف=وأرقابهـا عـوج ٍ تلافـت لهلـهـا
تنخى هل العـادات وأهـل المواقيـف=في راي من بيض الدفـوف يعزلهـا
وثور عجاج الخيل مثـل العواصيـف=وتقنعـت صـم الحـوافـر سبلـهـا
ولحقـوا وفكوهـا بحـدب مراهيـف=ترس العقـول ليـا غشاهـا جهلهـا
تعاقبـوا بمـزرج الهنـد والسـيـف=وتعاطفـت وضـحٍ تـوامـا كثلـهـا
وراحت بشايرهـا تجـر الغطاريـف=سولـف مسولفهـا وغنـى مثلـهـا
قلته وانـا حسـات قلبـي مراديـف=ولا كل مـن شـال الأسيـة حملهـا
عقل ٍ كبير وعقل يرثى لـه ضعيـف=تثـر عليـه التافهـه مـن زعلـهـا
وقلبي علـى جمـر تلوفـه هفاهيـف=والكبـد معكـوف المسنـن نتلـهـا
يا بوحسن ضاقت علينـا المحاريـف=فـي ديـرة ٍ كـن التهامـي نحلهـا
والـرأي رأيـك ياحكيـم العواريـف=المعرفـة بيديـك وأنـتـه جملـهـا
السالفة راحت مثـل مجلـس جنيـف=تشتـت بيـن الشعـوب وعملـهـا
وأصبحت مثل مخالف خليف لخليـف=كبـد ٍ تعالـج بـه وكبـد ٍ دبلـهـا
ورأس الجبل مزموم طيف ٍ ورى طيف=وفي غابتـه سبـع السبـاع يحبلهـا
ومعزب الضيفان لو يكـرم الضيـف=ليـا لقـى رأس الذبيحـة نشلـهـا
وليـا نشدتـه قـال مامـن تخاليـف=كـرم سبالـه والـشـوارب قذلـهـا
يابـس بلايـل مايعـرف العجاريـف=يا بوحسـن قـض الحبـال وافتلهـا
والصبـر طـول والمنايـا مخاطيـف=وكثـر التـدري مايوقـف عجلـهـا
دنيـا ً مغازيهـا مقـاف ٍ مناكـيـف=نصابة تضحـك علـى مـن جهلهـا
ياما نجـت غـرات نـاس ٍ مواليـف=ويامـا تـردى سلمهـا فــي شللها
لويعلمـون بغيبـهـا والصـواديـف=حطـوا رصيـد كـل ميلـة عدلـهـا
بنك ٍ علـى الدنيـا يعـد السواليـف=والآخــرة بـنـك ٍ يـنــزح مللها
يالله يامنـش المـزون المـراديـف=اِ غفـر لنفـس ٍ مقتفيهـا عملـهـا