يا زين وداعني ترى عنك يا روح = وداعة الله يا ممشة فؤادي
أنت عديل القلب والنفس والروح = ايضا وحيث انك عليهم تزادي العي على لاماك واصيح وانوح = ودموع عيني سيلن كل وادي وجاوب الورقا على عالي الدوح = ومحارب نومي وشربي وزادي كني صويب بين اعاديه مطروح = ولا ظنتي يبري صويب الأعادي لاني بنا حي ولاني بمذبوح = بين الرجا والياس يا ناس غادي يابن سعد قلبي انا يطيش ويفوح = في وسط جدر ركبوه الهوادي يا عاذلي اعرض ومن قولتك: أوح = صم اذاني ما سمعك لو تنادي الا ان كان القوم هم اسمعوا نوح = وابا جهل صوت النبي فيه فادي اطلب من المعبود ويصير ممدوح = لا تظن غيره للمخاليج هنادي والله مالي بجملة الناس مصلوح = ما همني حضراتهم والبوادي ما همني لاكود ما يسلب الروح = سلبة عويد الساج بيد الستادي لكن برق الصيف من مبسمه يلوح = احرق ضميري والصعن للبلادي انا ان ذكرته زاد جرحي به جروح = شربي كدر وعيشتي بالنكادي ومدله نفسي في غبة الموج = تلعب بي الأمواج طفق وركادي كني يتيم عن حلا الديد مسدوح = تلعب به الدايات وسط المهادي انا اشهد ان الحب راعيه مفضوح = لو هو سوات الفيل انحى وبادي انا نحيل الحال والعظم ملحوح = وعرضت نفسي يا علي للنفادي أنا احسب ان الحب ينجال ويروح = وثره مخيم في ضماير فؤادي مخزون في قلبي طري ومملوح = ومترادف كنه رحي الجرادي 1930م تقريبا |
||||||
| vists | copyrights slogon | online crap |