هيضتني يا صاح ابدع التماثيل = ودعتيني كل بيت فن ادله
إمن أول برحل عن القاف واشيل = ما عاد لي بالقاف مسكن وحله مات الشعر واهله تفانوا عن الجيل = ركبوا المنادي ورحلوا عن محله ولا بقا الاكود مثل المهابيل = جيل يصفونه على غير حله المدح بالآنذال مثل الهماليل = برض الصبح لو يمطر اليل كله وادي الصبخ لو كان يوم يبي يسيل = لا تظن راعي الضان بحماه فله وافهم جوابي وكب عنك العواذيل = ما دام قلبي وخاطري محضر له ان كان تشكى اليوم قل المحاصيل = الرزق عند اللي نينا بظله مير إن بلاك الترف ضافي العثاكيل = ابو ثليل فوق متنه يفله قلبك عليه اسوات كرب المحاحيل = في راس حبل فوق شقحا تتله وعينك تهل الدمع مثل الهماليل = كل ما سمعت طرياه لازم تهله تشكي على من كان عظمه غدانحيل = مفتون من قلبك وبقصاه عله هذا الهوى يا صاح كله غرابيل = راعيه كنه يصطلي فوق مله لوما اتبعه والله حيله كما الفيل = ما يشيل بالكفين صاع بمله نصاب لقلوب الصبابا حبابيل = كم واحد ارخص بعمره فدا له قبلك ابن لعبون ومحن هل الجيل = وبن فرج اتلف حلاله وحله تحور الهوى ما رطلوا بالمثاقيل = والكل منهم مات ما برد غله من مال عنك انت عنه بعد ميل = ومن صد عنك يا فتى الجود خله وان كان ملزمني برد المراسيل = حبر يسطر في صفاح السجله لزم على مفزع خيل مع خيل = وصبيان معهم صنعة الهند سله تنهب عديل الروح زين التعازيل = ونعف من عفيت عنه ابزله يابو خويلد ما نحب الدهاويل = بهرج الصمايل لريش العين قلة لو هو ورا الامصار والا ورا النيل = واسويس والحجاز والبلط كله يحرم علينا شرب صافي المعاميل = ان كان ما نجمع خليل ابخله الا ان عفا واصلح فلا والله نعيل = وندمح عن المحبوب تسعين زله |
||||||
| vists | copyrights slogon | online crap |