قال على لسان أحد أصدقائه يرثي زوجته
بالحل يابو عقاب مرحوم من مات = أعني نمر وضحا وهو ما دريبي إهو بقرن أثنين وعشر معدات = وانا بقرن اربع عشر ينحكي بي ما قلت له: عطني، ولا قال لي: هات = مير ان حظه ارثه من نصيبي غديت انا وياه كالتوم من شاة = شربت من دره وشرب من حليبي واثنينا نسبح في بحر الظلامات = بحر العذارى موش سود الغبيبي واسباب ماهيض غرامي والابيات = اللي جوابه بالعذارى مصيبس أنا أشهد أنه باخص بالخوندات = انشد مجرب لا تسأل الطبيبي دور عوض وضحا إبيض وخفرات = وتسعين وضحا ولا لقى من يثيبي الا ذكر فيهن عقارب وحيات = وحناشل تنهب بعيد وقريبي وانا بعد مثله أطوح الونات = مساهر ليلي سوات الصويبي قالوا: علامه ساهر الليل ما بات = يلعى على المنبر سوات الخطيبي واللي سواتي ياخد النوح عادات = ويجاوب الورقا براس العسيبي أبكي على اللي عقبه البيت جد هات = وأنا بوسطه هايت كالغريب من أول تيجيت يقرأ التحيات = واليوم لا اقبلت جنه حريبي يا لابتي تكفون يا اهل الحميات = يا من يداوي الجرح كوده بطيبي قالوا العجايز كلهن لك مطيعات = ادفع لشفك كل قريه نديب يلقون لك البيض عذرا مخبات = تبري جروح القلب لو هو عطيبي انتم لكم شوفه وانا شوف شوفات = واداوي يا لاسلام كلف صعيبي يا ناس لوجا الهند زات بعد وات = عبادة الاوثان واهل الصليبي وجولي العرب اهل المروات والذلت = حضر وبدو ما من أحد مغيبي في كل عذرا من بلدها منقات = باوصافهن يضيع رأي الخطيبي مربا مرابيع بهن مستكنات = حسن وجمال ولا بهن من يخيبي وقالوا: الوعد: عطناه حق الملاقات = اما بسوق بلاد والا بشعيب طب وتخير جنك البيض زافات = دور على عينك ولا لك طليبي قلت: العفو ما اريد غير المكافات = من حيث ما القي العوض في حبيبي يا ناس لوجيتوا مع البيض نيرات = ما أقول أنا لمن كان هذا نسيبي حصه، ولا من حصة في البنيات = بنت الفحل ما عقبها لي صحيبي عبد الله البسام وده ابما فات = وما فات ما يرجع بكره وطيب يا عاذلين القلب خلوا المعايات = أنا معاكم لون جني وذيبي هيهات أنسي شمعة القلب هيهات = الا ان كان الشمس تنسى المغيبي مرحوم يا من شرب كاس المنيات = ليت الفنا ما صار لك بالنصيبي جوك الدكاتر عالجوا بالمشافات = خاتون ومع خاتون طب وطبيبي ولا لقولك كزد للموت شارات = سهم المنيه ما ضربت به يصيبي مير أتصبر والصبر فيه مكفات = وغير الصبر يا قلب مالك مثيبي غصب على البل في سفنها مقرات = تصبر على موج هواها صعيبي وغصب على خيلى تخوض المنيات = ولولا الصبر ما ريعت للصويبي وصلاة ربي عد ما فايت فات = على النبي المختار شرق ومغيبي 1941م تقريبا |
||||||
| vists | copyrights slogon | online crap |