يا مل قلب من تصاريف الاشطان = ان قلت هود زاد عيا يليجي
يصبح ويمسي بالهواجيس غرقان = في غبة الافكار دايم غريجي
وعن علتي ما يختبر كل من كان = مخفي جروحي لو صوابي غميجي
جوني الوفاة مع بني العم وخوان = ومن كان لي صاحب رفيق صديجي
قالوا علامك تايه الدرب حيران = متحير محتار وسط الطريجي
أسألكم بالله عن سيد الاكوان = يا وين سيد البيض نور الفريجي
قالوا عشيرك ذاك صكات الأكوان = حدر الثرى والارض فوقه طبيجي
بأول شهر عاشور لفوه بكفان = عصر الخميس الفات علم وثيج
شالوه في تخت المنايا بعمدان = كنهم حجيد هاج وسط مظيج
يم محشر حق المخاليج ميدان = ما يسمع النادي لصوت النطيجي
يا قبر ما ترحم شفوق وولهان = بالله عليك ان واج خلي بويجي
ليما اشوف الزين والنور ينبان = في ليلة يطرب ناها صليجي
ابو نهود كنها طلع رمان = بلوي عليه بكزة له بريجي
قالوا لي العذال هل انت سكران = ما يستوي حي لميت رفيجي
من دور هابيل ونوح وقحطان = هذا الحزن ملبوس ثوب عتيجي
ندور لك غيره من البيض غدنان = شوف العذارى وما طلبته اب ييجي
لو جبتوا البدوان جمله وحضران = مالي بهم يا جعلهم للجريحي
تسعين ابره ما يسدون عن زان = الا ان بشتي سد وجه الخليجي
خذتوا خيولي والبعارين والضان = وقتلوا العوض بحمار خكري عويجي
يا عاذلين القلب ماريد عذلان = سوالف تلاتي بخيج وبيجي
خلوا المولع في دجا الليل سهران = دروبكم ما هي توافق طريجي
ان جيت لم البيت طمين وجوعان = قالوا: زهابك سرق والماي بيجي
يابو مبارك وين سحاب الاردان = ابو ثمان بيض ضافي الدليجي
عليه قلبي كل ما قلت أنا هان = يشيل حمل مالك الله يطيجي
مير اطلب المعبود للترف غفران = عاه بالجنات دايم بويجي
واللي نوى للترف مدعوج الاعيان = في وسط نار مالقاله تتيجي