يا خضر يا زين يا صافي الخدود = الحمر والبيض لك فدوه نقاد
فدوة لك النصارى واليهود = ومن عصى الاسلام في كل العباد
يا زريف الطول يا ظبي النفود = يا قمر يا شمس يا نور البلاد
ملهم بالعين لاكنك تنود = واللواحظ كنهم حدب حداد
كم فتى منك غدا وسط اللحود = وكم جلود للبلاوي منك باد
تختشي منك الجبابر والاسود = والنمور الرقط من حسنك تباد
يا حبيبي لا تجي طفق عنود = استهن وشوف ولفك في نكاد
قال لي هافي الحشا زامي النهود = مرخص عمري انالك بالوكاد
قلت له: يا زين يا ضافي الجعود = الذي مثلك ما يخلف بالوعاد
يا قاك رب العرش عن عين الحسود = والولي ويااك في كل الجواد
ما مضى يا زين ما ظني يعود = ما مضى من قبلنا شي وعاد
من قبلنا كسرى وقيصر ثم هود = واسكندر القرنين وشداد بن عاد
طوتهم الدنيا وصاروا باللحود = ولا بهم واحد بلغ شفه وراد
قال: العمر يا زيد لازم له حدود = وحسبته يا زيد عند والي العباد
دام انا وياك في حوض ورود = شاربين الحب مع كاس الوداد
بقرشك صدري والوي بالعضود = وانت لفني لفة رضيع بالمهاد
لي غابوا الحساد والعالم رقود = المشاره بيننا يا زيد زاد
قلت أعرفك انت يا الخشف الشرود = تذبني بالشمس وتقعد بالبراد
قال: أنت هرش الشام ما ترجع قعود = وهقوتي ان الضب شبعان جراد
قلت: أنت اهديب ماني من القرود = مير الجمل يهيضه مشي القراد