عبرت للبحرين باشري وبابيع = زادور الاطماع بسوق المنامه
ويالله عسا ما أتيه الدرب واضيع = تحمدوا لي ان جيتكم بالسلامه
هذي ثمان سنين تايب ومطيع = ومجنب درب الهوى والندامه
وخشف تعرض لي من الصيد قرطيع = وأدمي بجرح القلب عقب التحامه
شفته وجيته مع ثلاث مفاريع = سلمت ماردوا علي السلامه
الا عديل الروح أشر بتخضيع = مخفي عليهم جعلهم للعدامه
وأشرت له بالنايف من الاصابيع = واغضيت له واومي على في بهامه
واقفا عديل الروح بيده المصاريع = يقودني قود الجمل في خزامه
ليما لفا بالبيت زين المرابيع = ولقيت زي زاهي بالتمامه
امن العشي لي طلعت الشمس للريع = عيت عيوني مع عيونه تنامه
بان الفجر ووادعني الزين توديع = واسرع بروحه خايف من عمامه
وافقيت واقفا ومزع القلب تمزيع = وياشين فرقه الولف عقب الملامه
أهلي شمال دون ريع مطيليع = واهو مديم قاعد بالمنامه
ويا الله عسى ما تشوف زوله المطاويع = أخاف يخرب كل لابس عمامه
ولي خرب العلام الدين بيضيع = ولا تلومهم ولا عليهم ملامه