يا صاح عمر لي من التتن غليون = ودي أهيض كل ما كان مكنون
بسباب مكتوب لفاني وجاني = وانا ترا قبله عن الجيل مشطون
جاني كتاب من صديق أوده = وحق على اوصل الشي حده
لا شفت مكتوبه لازم ارده = الصاح له حق بلا شك وظنون
فليت مكتوبه وقريت ما به = والاه يشكي يا فهد من عذابه
قلت: السبب يقول: عقلي غدا به = طفل نهب عقلي وانا فيه مفتون
يابو محمد هات قرطاس شامي = دن القلم يا القرم واكتب سلامي
ووصيك يا التناك تفهم كلامي = انت الذي للد مسكن وماعون
ابن سعد يا القرم كثرت بلاويه = ولازم علينا يا فتى الجود نرضيه
الصاحب اللي بين الاضلاع جاويه = جواه بالضلعين والقلب مطعون
يابو محمد جا بيته تدله = انا معاك نروح له في محله
اقلط عليه من بين اهاليه تله = وانا بسيفي لو الخلايج يفزعون
لازم علينا نروح له في مكانه = ونقول حق واليه: عطنا الأمانه
حنا جعلناها عندك ارهانه = ولازم نبطل كل ما كان مرهون
يابو محمد قول هذي حلاله = ابن سعد منكم شراها بماله
تبغون درب الشرع ولا جهاله = نقول دعوانا لمن كان تردون
هذي علينا جان هي بالبلادي = يحرم على النوم وشربي وزادي
ليما أجيب الترف زين المقادي = وقظبه قظبة عميل المديون
وان جان إهي بالبر هات الركايب = حط الخروج من فوق عوج الصلايب
عندي اربوع يتبعون الطلايب = وحنا ندور والركايب يدورون
يقول أنا التناك وافهم جوابي = ما قلت لي يا زيد ما هو بغابي
ترى طريج الترف من عند بابي = لي صار لي جرذي أنا صرت بزون
وان جان اهو بقصر وحوله حراريس = انا ترا ليث ودور النواميس
والله لو صالوا علي بالدبابيس = لاصول فيهم لين عني يذلون
عندي خبر أو خابره بالبلادي = لا تفتش الحضران ويا البوادي
لو يصيح عبد الله بصوته ينادي = أتشوف محبوبه حواليه من دون
وان جان أهو مجفي ولا فيه حيله = طرد المجفي يا عضيدي فشيله
من قطنا عيب علينا نشيله = ومن عامنا عفناه لو كان مزيون
حب على غير الموده غثا بال = طرد المجفي يا فتى الجود غربال
ترا التميمي نصاحبه بالمثل قال = من باعنا بعناه في كل ما يكون
يابن عد طرد الكجفي كصيبه = ويقطعك اشي يجي بالغصيبه
ان جان ما المحبوب ياصل حبيبه = ما يمع العذال فيما يقولون
هذا جوابي جان تبغي النصايح = من قبل لا تكثر عليك الفضايح
بالك تذب الراس وتصير طايح = ويقال بين الناس خبل ومجنون
أنا أوصي الناس ولا أسر روحي = يا ليت في طبي أداوي جروحي
لو شفتني أمشي وأجيكم وارواهي = اللي لجا بالقلب ما عنه تدرون
انا كبيب الخلق ولا لي طبيبي = وما طنتي جرح بقلبي يطيبي
الحمد للمعبود هذا نصيبي = وما دبر المولى انا فيه ممنون
ذي دبرة المولى عزيز الجلالي = دشيت في بحر الهوى من اهبالي
سمحت في كل الموارد احبالي = وغديت في وسطه جما نقطة النون
قولوا لعبد الله يجيني ويختال = ياكود يطلعني عل ساحة الجال
أثر الهوى عار ونار وغربال = ليت الهوى ما هو عل الناس مسنون
يابن سعد اتصيح مما جرى فيك = يا صاح ما عزيت نفسي بعزيك
تشوفني وياك امشي وأباريك = تمشي ترى الرجلين والقلب مسجون