آه واويلاه يا شي جرالي = كن قلبي منه في حاكي المليمه
يوم غوجى يا فهد فل الحبالي = طاح راس الغوج ما يرفع شليله
ضايع بارض الخلا تايه الحالي = ضاعت الافكار ما بالكف حيله
ليت أبو ناصر دري باللي جرالي = كان حملي يا فهد عني شيله
اذكره بالضيق وغيره ما طرالي = حيثه المذكور بعلوم جميله
نعم بولد حسين حامي كل تالي = حاش كل النعم باليمنى الطويله
نادر من نادر قرم العيالي = صلب خالد يا فهد طيب قبيله
يوم جاه العلم ابو ناصر عنالي = ما تثاثا شوق منسول الجديله
جاعلي ظني وطلع شف بالي = صارم اللقوات في تالي الدبيله
فوق صفرا كنها حيد الجبالي = من وقف قدامها واعزتي له
فوقها حامي جواهيم الحلالي = يضرب الوديان ولا يبغي دليله
دارني بين الوعر ويا السهالي = وصادني صيد العرندس في مقيله
وله من يمناه تعطي كل غالي = كم عطا من مهرة قبا اصيله
مرخص بالمال يعطي ما يبالي = من حداه الوقت بالدنيا يجي له
مسندي في يوم وقت به مبالي = بو علي شيال الحمول الثقيلة
مثل شط النيل مايه به زلالي = من نزل بحماه ما يبغي الثميله
لو ندور الشرق والقبله وشمالي = يو علي حسين ما تلقى مثيله