ارسل هذه القصيدة الى أحد أصدقائه وهو السيد فهد عبد المحسن الفهد
يا فهد يا مشكاي خطك لفاني = واهلا هلا به عد ما شافت العين
قربت مكتوبك وما فيه باني = مير المشاره يا فتى بين الاثنين
تقول للأصحاب زيد نساني = وعقبى تفير بدل الين بالشين
لا تظن أنا بنساك طول الزماني = الا أن نسي الجعفري طاري حسين
ايضا بعد ما نساك وينسى لساني = الا ان نسي راعي الربا دفتر الدين
انا صديجك في جميع المعاني = وعندك خبر بي يا طويل الذراعين
مير أن نوك في طريجك غباني = وخذت الخبر بعد السفر عقب يومين
وانا معك كل يزم عينك تراني = ليتك موادعني توديعك لقين
مع ذه فلا ادري عنك بأي مكاني = والله ما أدري عن ملقعك وين
لو كنت انا ادري عنك، انا اخيك عاني = ما هو بطياره أهرول برجلين
ما انسى انا الصاحب المنصحاني = واللي نكر هذاك بالنون والغين
حياة من لاله على العرش ثاني = عيب اتغير لين ياتيني البين
واقبل لعذرى يا زبون الحصان = لي زلة واحدة وأنت لك الفين
زالهرج يزي واحده عن ثماني = وكثر الحجي مابه صلاح ولا زين
1963 تقريبا