قال الراوي = كل شي حاوي
وانهاره دايم ممليه احفظ مالك = عن عيالك ترى العاجل يحفظ شيه حذره يغشك = واحفظ قشك عن الحجي والحجيه اييك حنفيش = بزي درويش يلبس عمامه مطويه حدر الثيل = حذره تقيل يذبحك الجوع وانت بفيه بين المخلوق = فرق مفروق مثل النيره والشاهيه بعض التجار = يطلع عيار ياكل نيه والمشويه وبعض التجار = أجاد أخيار لولو صافي بهير شتيه أما الطواش = رق حواش ياخد تعيب البحريه أما عرابي = بالبوق رابي ينهب قشيش الترقيه رحنا اللجنه = فيها تهنا مثل الحنشل نهيبيه رحنا الشرطه = طحنا بورطه هذا وهذا قمبازيه رحت القاضي = بمره راضي باق الغتره والقحفيه وعند الحاكم = حذره تشاتم ياخذ مالك للماليه أما القنصل = ألعن عنصل مخباط اصفر في تركيا حجيه لين = وهو لعين سل ياتي شوي شويه إنريده حامي = وهو الرامي ناطور البيت حراميه نبغي الهدنه = ويشب فتنه يشعل نيران مطفيه من قو باسه = كشف راسه شوف اشسوى في كوريا امن المشرق = ليم المغرب يلعب فيهم طمباخيه ومن مد ايده = حقه يريده قالوا من ربع الشيوعيه يانا بسوه = شف اشسوي نصب دوله يهوديه بحلق عينه = بنفس شينه ناوي فينا شين النيه نشدوا شمسان = عن الاوطان لحج والتسع المحميه ومصر فيها = ما يخليها ثبت بالنيل تسعين خيه وياللي تدافع = ما هو بنافع حكى يرسل بالبرقيه وعمي وسيدي = بيش يفيدي الحق يوخذ بالعوجيه وترى الجمعه = عز ولمعه وبيت العالي بالجمعيه قموا الاسلام = بدين قام مثل الجدران المبينيه ومنهو الظاهر = وسيفه شاهر ابن العباس وابن أميه وانتوا منهم = وسدوا عنهم كل سيل يتبع واديه امضوا مضاهم = سووا سواهم يرجع لول حق تاليه وان جان لا لا = قطعوا الآله وجوزوا منهم بالكليه وخلوا العربه = بشده وكربه ونار تسعر كل صبحيه هذا قظاهم = نتف لحاهم ولعنوا الخاين الف وميه واللي يحبه = لعنه وسبه واكتب كافر بالشرعيه ونشدوا عنه = شيعه وسنه خالي الشيمه والغلريه وانا اشكاري = لازم داري موسى يدرى براس الحيه 1949 تقريبا |
||||||
| vists | copyrights slogon | online crap |