مثايل شليويح

دونت لك أجمل مثايل شليوح = بديوان شاعرنا شليويح شلاح
الشاعر الي مدرك هبت الريح = من شبته لين أبيض الشيب به لاح
من خلقته ماقظ زحزح ولازيح = ولا ذكر يوم به تهزهز ولا طاح
من هيبته منه الرجال الزحازيح = لاطب فالملعب عن اللعب تنزاح
شاعر مطير الي جماهيره تصيح = لاحظ خصمه في يده تقل مسباح
خصمه يطوح به وردى الماد تطويح = هذه صحيح القول ماني بمزاح
يعجبك بيته مايبا ايات تصحيح = نادر ويوضي فالدجا تقل مصباح