اللغة بحرها يغرق با لأرقام ألوف=والمعاني كثير الناس يخطونها

نحمد الله ما احدن زاد ما فالكفوف=كف الانذال عنها لايمنونها

حامي احروفها ترتيبها بالرفوف=والمعاني قدر من صاغ مضمونها

من يقول اتحدى بالجزيرة وقوف=يبدي الراس والعراف يثنونها

كل قولا بليا فعل فيد الضعوف=واين ربعن ليا قالوا يعقلونها

صورة الشعر كدرها ردي الشفوف=ومتطاها عواذلها ومجنونها

واسرعو بالخطا للذنب وقت الكسوف=ماادركوا كل خطوة قبل يمشونها

واثبت للوجود من العدم دون شوف=والاحاسيس تثبتها وياهونها

اصبح اليوم كله بالنفاق امعروف=من خيال عقيم وكذب يبنونها

قبل ميلاد حرفي زرت حتى وسوف=شفت وشلون لولا تخلف اظنونها

شفت موت السراج وشفت ليل الخسوف=كل جنة منه بالنار يرمونها

وانكسار الثرى المجدب بحكم الصروف=وامتعاضةوفا للياس يبدونها

وادركتني قناعة تايهة بالصفوف=من عجز فالحقيقة حا ل من دونها

والله ان السوالف والفعل بالكهوف=مار الانذال عجزوا لا يشوفونها

خاب فيك الرجا ياخدعة الفيلسوف=ما سترتي على العميان بافنونها

صار مدحك نفاق وعشق ربعك صنوف=كل ماا قفا سواد جرت الحونها

لانت بافعال زيد ولازهت بك هنوف=سلعة من حراج السوق يشرونها

كانت اسباب ميلادك بغدر الظروف=بعد صدرت عن كان وعن نونها

ماصدق في حروفك وقت الا وصوف=كل ما تثبت المعنى يكفونها

بعد قفا حياها ما علاها حسوف=بعض الاصحاب احنه من نقل شونها

ياحسافاه ياقلبن سكنت الشعوف=وأقشرالحظ والمغبون يبرونها

تحسب اللي خرج من كهف يقرأ الكشوف=والله ان الأمانة عند مامونها

اسكن اليوم حيث وبدل الامن خوف=لاتلوم الحروف ليا اختلف لونها

الردوم أرقصت ومزينتها الشعوف=وان قسى وقتها الدندون باردونها

وان تعزوت تسندهاعلى قول شوف=ماذرت حبة في جوف حنحونها

لا درت عن حروف ولادرت عن حتوف=همها ما تعدى لقمة ابطونها

والصقرلو تشوفه مع عليه يحوف=ما تخفت قلوبن تفضح اعيونها

ماسترمن نقص فعله عن الحرف جوف=كلها في رداة اللي يخطونها