(سر ياقلم للي حداني على الجور=رد الخبر عني وبلغ سلامي)

(قله ترى الانسان منهي ومامور=ولاله ابحال عليها دوامي)

(لولا الرجاوالصبربالخيرمذكور=ماحام مع طير الحرار الحمام)

(يابن رجاالله ماكتبته من اسطور=أحرم عيوني من لذيذ المنامي)

(ويتل قلبا في شقا الوقت مجبور=من وأين ما يمم له السوء حامي)

(قلبا من اسهوم الزمن حيل مبرور=ليا صدر ظامي يجيه الف ظامي)

(من قال لك عين السليمة كما العور=غاشي عيونه يالثبيتي عسام)

(كلابمنطوقه وما فيه مخبور=راعي الوفا ماهو بحاجة كلام)

(والليل مهماطال لابد من نور=يجلا عنه ما اخفاسواد الظلام)

(لاشك مايرجي سوى حرمقهور=بعد الصبر يسند عليه المرامي)

(الحر دايم للغرابيل مجرور=والا الردي عايش ببرد وسلام)

(يرعى بظهر الكون ثور بلا دور=وان مات ما قالوا عساه الرحام)

(رجواي خل الجرح ياذيب مستور=لين الفرج يجلى سحاب الغمام)

(ارفق بي من الحرف ياسيف مشهور=مما تدزه مع رسول العدامي)

(ومن الرجا زدني وبالخير مشكور=لاهونت في قلب أخوك السهامي)

(خلك من اللي يشري الحور واقصور=والله ماطاول رفيع المقامي)

(يسيربه ماساروالسرمسرور=ويبان عرق الدم جوف العظامي)

(والله مامن طب يشفع لمحرور=ولا على وجه القمر من لثامي)

(راعي الصبر في كل الاحوال مأجور=والطيبةماهي لمال الحرامي)

(لابدما يخفى وأنا أخوك منشور=والهينة تلبس ثياب الملامي)

(والجابه اللي جابها شاهد الزور=تمسي خطام له وتصبح لجام)

(وامن الشره ياذيب لاشك معذور=علمي بقلبك يفرض لك احترامي)

(والله كريم والفلك لازم يدور=وأقبل تحياتي ومسك الختامي