(ياسامي اللي خصه الله بمعروف= حتى حروفه كاملات المعاني)

( ماتقبل اللي تملكه غيربظروف=والله ولا هي مثل حبل السواني)

(لوهي تسير بالسواليف وأوصوف=ماكان أسند ما يسير لثاني )

(ياذيب لن كان الشقا حاف بك حوف= صرخ الرياح بعاليات المكاني)

(لومااعتلت بالكايدة سفح واكهوف=هانت معزتها لقاصي وداني)

(ماأنته بمسبوق و بالخير مخلوف=ما يأخذ ولا اعطى يكود الهداني)

(تليت ياعال المناويف ملهوف=وأمسى يعد الليل منه الثواني)

(ملهوف فكردونه أحروف واحروف=وارضاه ماهو في يد المودماني)

(أحييت فيه امصارع الليل ووقوف=في وجه غدرالنقص من كل فاني)

(وأقبل بعد هزيت شوقه من النوف=مادك فيه ويسيرلك ابه عاني)

(حذرا تعلق في هذا الكون بكفوف =ويضيع حلمك في بحور الاماني)

(ولايسير في سمانورك أكسوف=وايحول دون البر بحرالتماني)

(كل المواني كلها ساحل الخوف=ياعنك مافيها ولا برأمان)

(والباقيات ان جات وان راحت اشفوف=وأخيرها ماكان للعز باني)

(وان حمت لاتكسر على الارض بالشوف=ولايحدد لك سماهاعناني)

(أرقابفكر عن حجا كل مألوف=ومصرف قوله وهوما يعاني)

(والأالشعر ماأبرى ولايبرداحسوف=ولا كفا للشمس بدريباني)

(يابوك أنا قبلك عن الهم مكلوف= من ضعيه همه بليله نصاني)

(بيني وبين الهم ميثاق واحلوف=واليا نسيته ساعة مانساني)

(حظ العناوقف على كل صادوف= وأصبحت عنوان الشقا في زماني)

(وأخفيت مابي عن ردي وملقوف=وان فاضت العبرة جحدها لساني)

(حشمة لمن فضله مع الناس معروف=ما يخدع ايميني يساروغواني)

(حفظت مرقاب علا فكر واسيوف=وأثنيت حمداللي بفضله عطاني)

(وأقبل تحية من عزف لك من الجوف= والشعر يسجد له ومعاني)