( فز الخفوق ولاأسمع الاحميشه=متنوين قطع الخرايم مطاريش)


(متمكنن به للشقا ما يجيشه=والياضواه الليل يسرج له الجيش)


(يفرح لياجاته مخيلة منيشه=ويناحراسهوم المناياالمباطيش)


(يللي بيدك أمره وذكرك يعيشه=تبرد لهيبه من أهموم معاشيش)


(ياعالم سره وظامي عطيشه= تكفي وهج مابالصدرله تناهيش)


(حل بينه وبين الخطاواللبيشه=ومساعرة نارتحب المناويش)


(ياوين من نفرح برأيه وجيشه=اليا أختلط بالشرعمس المرابيش)


(من هاجس فوق الغصون المغيشه= يامرحبا بالمدلجة والمغابيش)


(جم ا لقراح ولامعين الغريشه=ما فيه لازيف ولا به مغاشيش)


(متسلطنن جمةوصعب منيشه=يبهج ولايحسب احساب التفاتيش)


(ياعنك ما أشقاني شبابي وطيشه=ولا أتعب أقدامي عشان العراميش)


(أشوم عن جنات عدن الهشيشه=ولا وطيت أرض وطاها خفافيش)


(لي مرقبن بالنايفات المهيشه=ويعيشني من كل غالي تناتيش)



(أقطف من اثمارالغصون البشيشه=وأبل من غيثي كبود المعاطيش)


(غيث المحل واظلال ريف الدويشه=ماهزني وقت النكد والتباطيش)


(ذخرالقروم المغد قه والمعيشه= ولنورهم بأعلا جبيني تباشيش)


(وأسعى لصوت الذيب وأهوى مريشه=وأكره عشاش للردى والخشاخيش)


(يللي فتحت الباب صك الدريشه= وأخذ الخبر من راس ماهو تناتيش)


(والله حسب اللي سعى بالغشيشه=حتاه شوش لك على الفكر تشويش)



(من قال عيش الذيب عيشه امريشه=والاحياة أم الكحل والدناديش)



(أنا أشهد انه عايش عيش خيشه=وأخير من عيشه حياة الدراويش)



(يسرح ويضوي والعميشه عميشه=تمسي منافيش وتصبح مغاطيش)




(يامرسل درالبكارالبهيشه=ويش الخبر ياويش بالله من ويش؟)



(علمي بقصرك نايف اعن ا لعشيشه=واتسابق الاشقرعلوالمعاريش)



(تهوى قنيب اللي جفل من حريشه= واحد من غرالسيوف المراعيش)



(والله ما أنته فيد فكرالهطيشه= وامتابع الوسمي وسمرالعكاريش)



(ماغاب يامسفر لفكرك قشيشه= لكن حبك صوت عاوي صدر بيش)



(ياذيب لا يخدعك نصب الكليشه=ماتستر أرخوم الرجال الدشاديش)



(الخبل يعرف للعرب من كديشه=ياسرع ماتبدي جروم المنافيش)


(واتخونه أهدومه ولقمة حشيشه= والناس تعرف وش حلال المكيريش)



(شرالدواب العمي واللي مكيشه=ويبان الاعمى من كديش المهاقيش)



(واسلم فداك أهل التمروالعريشه= وافداك من عناها زين التدابيش)



(دنياك من دون الرجولة وحيشه=واسباعها ربد وسود مهاريش)


(والله ماسرت للعاقل بعيشه= ولا اقنعت كود الخبول الفوانيش)



(خذماصفامنها وعيف الهويشه=واطلب عسى الله يصلح الك المحاوييش)


(واليا نصاك امن الحوادي محيشة=ازبن ولد ثابت زبون المطاريش)