(والله لالا اللي ركزداخل الجوف= ماينكتب لي بالحجاوي علاقه)


(وارتاح مماينقله كل ملقوف= لاصك بيبانن ولا أفك طاقة)


(أنا بفضل الله غنيا ومعروف= ماني على بعض المعاني اعلاقة)


(ماني بمن يرفا بها ضيق مصروف= ولابمن يستر بها قصر ساقة)


(يمناي غيث وظل أهل خيل واسيوف= وأقوالي أنوار الهدى والوثاقة)


(سليل من يمن من الفقروالخوف = اللي بفعله تحيا الانفس اشفاقة)


(بعض العرب طاريه يغني عن الشوف=وأخيرمن شوفة بعضهم افراقه)


(والبعد لومع ناشف الوجه مكلوف =أخيرمن شوف على غير فاقة)


( لاشوف خير ولاهنا فعل مخلوف= دايم وعينه دون لقلبه ادراقة)


( والمعذرة والصوت لاشك معزوف=لمحرك أوتارالعروق الدقاقة)


(وان كان طاعه هافي الوقت وأظروف= تطيعني بسمة عيون الرفاقة)


(وأحياحياة دونها الأف واصفوف= يردهم زود العيا والحماقه)


(والياوقفت أوزانه أرده أردوف= ويعلمه غيري بحجم البطاقة)


(واليا كتبت أحروف وأحروف وأحروف= أعلم اللي دونها الحظ عاقة)


( ان الحروف اتجود من جود ملهوف= وتخون تكليف على غيرطاقة)


(ماهي ببنيانن ولاوصف موصوف= ولا لمن هومعتبدهاعشاقة)


(ياقل من ترضي له أ نظارواشفوف= ألا ضعيف يعتبرها لباقة)


( تضحك عليه النفس والقلب مكشوف= مقرود فيد صدق الاحساس باقه)


(لاأدرك مرام ولاأبرى شوق واحسوف= ولاسلم قشرا تردت بناقة)


(ياصاحبي لومرة سو معروف= سلبتني من كل شئا مذاقه)


(دقات نبض القلب بأطلالك أوقوف=يانشوة أحلامه وشوق احتراقه)


(ماعادلايسمع ولاعاد بايشوف=والسترشق الحرف عني رواقه)


(وان كان ماأنت ابحالتي ناوي اتروف= أطلق خفوق في يدينك وثاقة)


(والله يالولاقبضة منك بكفوف= ما ينشلع خافي خفوقه اطفاقة)


( ترا حياته راقي اللذوق والنوف= واشراقة امحيا الحجاج وطلاقه)


( عن كل مايرضاه من عاش برفوف= في صادق الوقفة وصدق انطلاقه)