(لاواهنيك يجيك النوم يوم وتسهرأيام=وأنا من اسنين عيني ما تهنت بالمنامي )


(وان طاب لك بيت شعرماقعد عندي ولاقام=فزيت له ياقوي الحيل مرعوب العظامي)


(تبري جروحك حروف الشعرواتسليك الأحلام=وأنا جروحي دواها من يميني والحزامي)


(ياعنك ماني عليها يابن عمي ناقل أقدام=ولا أدخل البيت مع حجاج بيبان السلامي)


(خلقني الله لبيض الهندمع دهمي الأروام=أفتل لها مايثنيهاوأصوغ لهاالخطامي)


(حنا رفع قسمنا الله يوم قسم فوق الأقسام=ولا أنت ولاني ابحاجة لترديدالكلامي)


(واللي كمانا حرام انه يسيربين الأصنام=والايجاري حمام بين زمزم والمقامي)


(منا وفينا نشأ من بشر العالم بالأسلام=عليه مني صلاة طيبة وأفضل سلامي)



( والله والله لولا طاعة اللي كف الاقلام=لشبع على كل ملة طاير فالجو حامي)



(وألف كمي على اللي ما بعد صلى ولا صام=وأعلمه وأين نجم أسهيل من بدرالتمامي)


(وطوع الجن واللي فالبشريومن بالأوهم =اتسجل لياطرا ذكري تحية واحترامي)


(وان كان ضحك الزمن لأم الهتام وأم الأيتام=والوكرعقب الصقرعود مقاييل الحمامي)



(على عماها يحد الليل لسجات قدام=والفي ظلل نهارالخوف روس للنعامي)


(والنوريبدي وطيرالبوم ماينفر ولوحام=والعمي ما قادت ارقاب المزن وسط الغمامي)


(وان طول لله عمرك ما يطول ليل الاقزام=واتشوف من يحمي الماقف ليا أشتد الزحامي)