ياربعنا يللي على دين الإسلام=والله مكلفكم بدم الضحية
ايليق يوم العيد في موت صدام=والأ الدجاج ا يموت صبح وعشيه
تفاهموا في ساهر الطرف ما نام=اللي يقول الدور بكره عليه
ترى ردي الفعل لن طاح ما قام= وأغرق معه طابور والأ سرية
من لاحسبها صح تاطاه الاقدام=والمضحك اتلاالوقت شر البلية
وإن طال عمرالحي فالموت قدام=الدايم الله يالقلوب الغبية
الموت سنه وافضل الخلق مادام=لا يفرح الشامت ولاهو رزيه
ماتت ملايين البشرمثل الأغنام=واهتزت لصدام كل البريه
موته جلا عن بعضنا ليل الأوهام=والحي موته عبرة إقلوب حية
وأعظم سبب للموت تقديروإكرام=كلاً على قده تجيه المنية
يكفيه فخر كلمته حين الإعدام="يشهد بذكرالله وذكره نبيه"
مرفوع رأس ماسجد حي لأصنام=وأرخص نهارالموت من جاء قفيه
نذل(علج)على الجثةبخبث القدم حام=وايعيش مايسوامواطي إحذيه
كلايقول وتفضحه روس الاقلا م=والشكرلله يالنفوس الدنية
مابيننا جاوه ولابجم الأعجام=كلا يعرف اللي بوسق المطية
من لبس اليمنى قصيرات الأكمام=ينقال وقع بالثرا يا علية
كلن وقف قبلك على روس الأرجام=شافت عيونه كل شمس وفية
حنا العرب نوفي على الكفر بذمام=والعفو فالأسلام فينا سجيه
والميت اله حقوق فالشرع واحكام=ماهي لعين افلان والا حميه
ذكر احسناته واجب ودمح الآثام=وارواحنا من كل زله بريه
واليا انتهك عدونا خير الأيام=يمحى لنا من سوء الأعمال سيه
الدائرات إتدورعام بأثرعام=والله كريم و العوض فا للبقية
والياصدقنا فالمشاعروالأحلام=النور ما يطفيه جاهل وعية
والشعر والله ما حفظ موت الأقزام=ولا ذكر راع العلوم الرديه