ايه أنا بكره بسافر
ياسحاب العشق لكن!!
أوعدك اني مـ بنسى كل لحظات الحنين

وأوعدك يبقى أملنا يجري دايم في عروقي
مثل غيم ٍ يا حياتي بالمحبه دوم ماطر

ايه أنا بكرة بسافر // فوق جنحان الطيور
وأعبر بلاد وشواطي وأحضن أمواج البحور
أرسي فـ المينا لوحدي ودمعي يرقص فوق خدي

الحزن بكى الدفاتر ، والورق دايم يقول:
ما قويت أبعد عن اللي فاح عطره في ودادي

والقلم أقسم بدونك انه ما يكتب قصيدي
غير كلمه فيها اسمك، غير همسه لك يا سيدي
يا سحاب العشق أقسم كل مافيني يبيك

والقطار اللي جمعنا ذات مره عنك يسأل:
وين خلك؟ ليه ترحل؟
وش جرى بعد اللي كان؟
جاوبه قلبي وتنهد ، قال يا خلي ظروف
باعدت بين الأيادي والهوى خان العهود

بس تأكد ايه تأكد
كل ما حولي شهود
بان صبري في انتظارك
يالغلا ماله حدود

كل طيوفي السبع تشهد بإن قلبي حيل صابر
وان صحرا الشوق تنبت من دموعي لك وتزهر

ايه انا بكره بسافر يا سحاب العشق لكن!
في عيوني دمع يلمع مثل لمعات النجوم

يا ابتسامة فرحي انتا
يا أمل كل الوجود
يا وجع قلبي وحزني
شوف آهاتي شهود

ايه انا بكره بسافر وأحمل اقلامي معاي
وألبس أثوابج يا غربه
واشتكي همي لسماي // وابيديني أحمل البرواز فاضي يا غلاي
شق صمتي
شق سكوني
وقام يردد لي صداي
بكره حان الموعد اللي ما تبي تشوفه عيوني

ايه انا بكره بسافر يا سحاب العشق لكن!
أوعدك باللي خلقنا اني ما بنسى الحنين