من متى ماقعدت ولا قعدنا سويا =ياحبيب فقدته في وصاله حياتي
شاعري وأنت شعري ياكريم المحيا =لعنبو حي حيك ماتشوف اعبراتي
ويش أسوي زماني عن مواصلك عيا =يظلم الدرب دونك والقصايد عصاتي
ودي أنك تقهوى ليلة من يدينا =أسمع اللي تقوله عن قصيدي وذاتي
واستشيرك بشعري لو قصيدي شويا =واحتري منك كلمة مثلها في شفاتي
لا عدمتك حبيبي خل فكرك هنيا =دامني مهرة لك شيخة للبناتي
وش لك بذي وهذي جعلها ماتهيا =والبنات ان بغنك كلهن ذاهباتي
والله أني ما ألومك كل زيني خبيا =وابدويه سترها برقع مع عباتي
\