ياويش جابي ملعـب التنـس وأشـوف
ألا جـروحٍ تـطـوي الـحـال طـيّـا
أفر أنا الملعـب مـع النـاس وأطـوف
أحـاول أنسـى الهم..والـهـم عـيّـا
ومن هو جرحني غير من يسكن الجوف!
ماأحـدٍ سـوى زولـه بقلبـي تهـيّـا
كنت أحسبـه خـلٍ ولاغيـره يـروف
وأثـره عشيـرٍ مايـعـرف الحمـيّـا
ذقت الشقـاء والهـم مانـي بمكلـوف
وأقـول شـكـراً ياجمـيـل المحـيّـا
صبرت صبر اللـي سجيـنٍ ومكتـوف
فـي غرفـةٍ محبـوس ماشـاف ضيّـا
في كل يـومٍ يصّفـق الوجـه بكفـوف
ويعـذّب المسكـيـن بالـنـار كـيّـا
في جرم سرّاقٍ مـن النـاس ملقـوف
متـى يشوفـه يـوم ويـقـول ذيّــا
من كثر مايبكي غـدى كنّـه مكفـوف
حلمـه يجـي السجّـان ويقـول هيّـا
ياويل حالي ويل مـن صـار معيـوف
ذنبـه كريـم ولا طلـب يـوم شـيّـا
وياويل حالي ويـل عاشـق وملهـوف
يلويّـه محبوبـه علـى البعـد لـيّـا
علـى زمـانٍ كـان للجـود معـروف
ماهـو زمـان العولـمـه والحكـيّـا
الحـب ماينصـان والسـر مكـشـوف
والظلـم ياكثـره وصــوت الحـديّـا
الله يعيـن ويبعـد الحـزن والـخـوف
ويشيـل هـم اللـي تركـنـي هنـيّـا
أقسـم بربـي عـد مانكتـب حـروف
وعـد النجـوم السـاريـه والثـريّـا
أن الحمل من صاحبـي هـد الأكتـوف
ماعـدت أميّـز بيـن مـيـت وحـيّـا