بخيتان اليامي - الأوضـــــــــاع

الله علم هو عاد الاوضاع بتزيـن
وأشوف أنا حلم الطفوله حقايـق
حلمٍ حلمته وأحسبه يـوم يوميـن
وأثر الذي يحلـم سنينـه دقايـق
والحلم ياأهل العلم ليتـه ملايـن
على رصيد حساب وأملك وثايـق
وليته معاند وقت ومقارعـة ديـن
وألا فرج همٍ مـن سنيـن عايـق
الحلم شوف اللي بعيد لـه سنيـن
ماعدت أنا للصبر والبعـد طايـق
حال القدر بالبعد مابيننـا البيـن
وليت المعاند ذاق ماكنـت ذايـق
كان الحلول تهون في قرة العيـن
يشهد على ما قـول رب الخلايـق
بس البلـى حـدٍ يفـرّق محبيـن
ليته درى ويحس في أب ضايـق
ياللي تقول أصبر بعد ذا العسر لين
ياكيف تنصحنّي وأنـا تـو فايـق