خذ دفتر أواهامك وأضف فيه موضوع
وبيـن لكـل الخلـق ماكنـت ناسـي
قول الحقيقـه علّهـا تنـور شمـوع
وتنظف الدفتـر مـن أوهـام قاسـي
وأثبت لي أن الوهم في دنيتـك نـوع
وأن الهوى والعشـق ماكـان سـاسي
أقنعني أنه يـوم لـو تـذرف دمـوع
ماهو من أسبابـك تجرعـت كاسـي
وأني هني العشـق مايعـرف اللـوع
وأنـي فريـد فيـه يـاقـو بـاسـي
وأن كان ماتقدر على البوح من طـوع
فأصبر على ماجاك مـن حـد فاسـي
وأسمع ترى قولٍ له أثبـات مسمـوع
ومن لايقول الصدق في الحـب أسـي
مايكفي أنك خـل والوصـل مقطـوع
ياكيف حبك صار بالجـوف راسـي
ذقت الشقى والهـم والبعـد والجـوع
وأنت سجين اللي على الحـب داسـي
وش صار تشقيني وأنا الرأس مرفوع
عهـد علـى مانـي مغيـر لباسـي
مانـي تبيـع لـك أنـا دوم متبـوع
من يوم أنا طفلٍ وأنا أعـرف مقاسـي
أنصحك مادام الوهـم فيـك مـزورع
عقلك حقيقـه صـار فيـه ألتماسـي
من فضل ربي ماعرف حبـة الكـوع
أسمع بها وأن جـات لعبـة كراسـي
لو الزعـل بيـن المحبيـن مدفـوع
ماكـان مثلي يشـوف كـل الماسـي
ياليت لي قلبٍ من الصلـب مصنـوع
كان الصلع والشيـب ماطـب رأسـي
خذ دفترٍ دوّن علـى غيـر موضـوع
وأكتـب لعنوانـه تـوهـام نـاسـي