يـارب ياعـلاّم كـل السـرايـر
ياواحد ٍ ما خاب من هو رجاء فيه
هوّن على عيون ٍ تفيض العبايـر
قلبي مريض ٍ ولابقى من يداويـه
ياوالله اللـي راح شيـخ العشايـر
شيخ ٍ من آل سحيم ضاعت هقاويه
سلالة ٍ الشجعان والجـوء ثايـر
ياكم خذوا شيخان قـوم ٍ مداليـه
يشهد لهم طير مع الصبـح طايـر
من هول ماشافه يكسّـر جناحيـه
ويشهد لهم ذيب ٍ سرى الليل دايـر
قطع فلالي البر والجـوع حاديـه
ياجنة الفـردوس لا جـاك زايـر
يطلبـك بيـت يسكنّـه لا ترديـه
جاك الكريم اللي به الطيـب نايـر
عادة أبوه وجـدّه الطيـب شاريـه
عزّالله أنّه مـن كبـار الخسايـر
ما لوم عين ٍ تالـي الليـل تبكيـه
يبكيه صـف أدلال بالهيـل فايـر
من بعد موت حسين نـاره تعزيـه
ويبكيه من دربه على الحق سايـر
حيثه مـع درب العدالـه مخاويـه
أنا أشهد أن الموت بحسين جايـر
ليتـه تمهـل يـوم قـرر يناديـه
أنا أعترف بالحق والحـق صايـر
والموت كل النـاس لازم تلاقيـه
لكن مـع الغاليـن تلقـاك حايـر
تقول قول ٍ خارج ٍ عـن معانيـه
قلت الشعر في صلب جدي نشايـر
ولو قلت مهما قلت ماني موفيـه
وصلوا على محمد رسول ٍ البشاير
نبيّنـا المبعـوث لا حـل طاريـه