بخيتان اليامي - ماهو الشعر ؟؟

مــزنٍ بـهـا هـمـر الـقـوافـي غـزيــره
تسري على جوف المشاعـر وتسقيـه
فيـهـا بـــروقٍ تـقـلـب الـكــون نـيــره
ورعودهـا سـطـح الوسيـعـه تسـاويـه
مـن شـرب مـن ماهـا تحـدد مصـيـره
مــا لــه ســوى دربـيـن درب ينـاديـه
أمــا سـلـك درب المـعـانـي السـفـيـره
وحـظـه. .لـقـى نـــور يـنّــور ليـالـيـه
والا رحـــل يـاعــل بـألامــر خــيــره
تاهت بـه أقدامـه وضاعـت خطاويـه
حسـب المعرفـه مـا أدعـي بالسريـره
هــذا الشـعـر ياجـاهـل فــي حـراويـه
فيـه المديـح أن صــار للـمـدح سـيـره
وفيـه الرثـاء لـي فـارق البيـت غاليـه
وفيه الحمـاس أن ثـار بالـرأس غيـره
لـي جـاء عــدو الـديـن نبـعـد هقـاويـه
وفـيـه الـوفـاء أذا لـفــا مـــن نـجـيـره
وقــومٍ بـــلا جـيــره حطـبـهـا تخـلـيـه
وفـيــه الــــردود بـقـافـيـه مسـتـنـيـره
تجاوب اللـي مرسـل القـاف وش فيـه
وفـيــه الـعـلـوم الـطـيـبـه والـمـريــره
ويابخـت مـن طيـب المعانـي تخاويـه
وفـيـه الـغـزل جـمـر تـزايـد سـعـيـره
بالـذات مــن يعـشـق حبـيـب مجافـيـه
لا وعذابـى يـوم أنــا صــرت أسـيـره
وشلـون اخبـي سـر فـي قلـب هـاويـه
لا شـك أنـا فـردٍ مــن أســره شهـيـره
مـا أحـدن تخلـى عنـه لا حــل قـاديـه
أصـبـح كـمـا شـيـخ تـزعــم عـشـيـره
مـاقـال قـلـنـا تـــم فـيـمـا حـكــم فـيــه
للـشـعـر مـغــزى والمـعـانـي كـثـيـره
ومـن ينظـم الاشعـار نعـرف مغازيـه
ومـن يشـرح المعنـى يــدور قصـيـره
وأن طال شرح البيت ضاعت معانيه
تمت الاضافه بواسطة : سالم الفروان