ياصاحبي قدني على تالي الصيف = والقاع جفت والركايب ظمايا

والوقت عيا لا يجيني على الكيف = والخل قفا ولا بقالي بقايا

وقلب ً على حد السيوف المراهيف = وكبد ً تجرح من جميع الزوايا

والهم زاد يفوق حملي مراضيف = والوقت سبب في حياتي عنايا


مالي علاج الا بروس المشارييف = الاحي الورقا وتبحث خفايا


ياوجد حالي وجد فرقا المواليف = وجد الذي قضى حياته شقايا

او وجد من خلوه ربعه مناكيف = في هيةً كثرت عليها السرايا


عليك ياراعي الرموش المعاكيف = اللي غلب بالزين كل الصبايا

الصاحب اللي كامل ً بالتواصيف = اللي سكن ف القلب بين الحنايا

من بيني وبينه عهود ومحاليف = لكن نقضه الزين عذب السجايا

قدله سنه بالضبط غايب ولا شيف = ولا ذكرلي بين كل البرايا


انشهدنه تلف القلب تتلييف = وانشهدنه داري ً وش بلايا


شعر بخيت راشد المري