مثل الورق مثل القلـم والكتابـه
مثل الاماني والامل مثل الاحـلام
مثل الشجر والعشب مثل السحابه
مثل العطش والراويه مثل الايـام
مثل الزمن والوقت مثل الرتابـه
مثل الحساب اللي جمع كل الارقام
مثل اللحن والقوس مثل الربابـه
مثل الكفوف وطارها مثل الانغام
مثل الغلا والشوق مثل المهآبـه
مثل المحبه والوفا نزف الالهـام
مثل القصيده جيت حزن وكآبـه
مثل الدفاتر والشفايف والابهـام
شد الخيال .. ولا تنّوخ سرابـه
أطو المسافه بالحقايق والاوهـام
بين الوجوه اللي بعضها تشآبـه
ماجيت أسافر للبطولـه بالافـلام
جيتك أنـا والاسئلـه والاجابـه
مامثلنا مثل .. ومعاناه .. واحلام