الدرب ودانا .. وشفنا العجايب
والحب ماوالله حسبنا له حساب
والشوق ليا ماجاب ذكر الحبايب
ياحسرتي لو يبطي الشوق ماجاب
والخاطر اللي شره ماهو بطايب
وعيوني اللي تسهر الليل من غاب
والعبره اللي خانقتني لهايب
واللوعه اللي فالحشا مالها عتاب
وقلبي مريضن ومتهالك وذايب
وكلي تقل جثه تحت كومة تراب
والمشكله لا جت عليك المصايب
من اقرب اقرابك وخلوك منصاب
ولا صارت الفرقا بليا سبايب
هذي بلايا ابوك والله يا عقاب